РОСТОК. Германиянын Росток шаарында антиглобалисттердин демонстрациясы учурунда болгон баш аламандыктарда 300дөй полиция жаракат алды. 27 кызматкердин жарааттары катуу, деп билдирди полиция. Баш аламандыктар кечээ демонстрация учурунда маскачан демонстранттар полицияга таш ыргытып, машинелерди талкалагандан башталган. Полиция демонстранттарды жаш агызуучу газ жана суу аткычтар менен кубалап таркатууга аракеттенди. Тартип бузуулар Чоң Сегиздик өлкөлөрүнүн жыйынына нааразылык билдирүү үчүн башталган тынч демонстрациянын учурунда болду.
