Ал Чехия жетекчилери менен бул өлкөдө ракетадан коргонуу системасынын жабдууларын орнотуу максатында сүйлөшүүлөрдү жүргүзмөкчү. Бүгүн ал Прагада өтө турган демократия жана коопсуздук маселелерине арналган эл аралык конференцияда чыгып сүйлөйт. Ал тапта Орусиянын президенти Владимир Путин АКШнын Чехия менен Польшадагы аскердик пландары ишке ашса, Москва ага жооп иретинде Европаны бутага ала турган ракеталар жайгаштырат деп билдирди. НАТОго мүчө өлкөлөр Путиндин бул сөздөрүн сынга алышты.