Мындай пикирин АКШнын мамлекеттик катчысынын жардамчысы Ричард Баучер бүгүн өткөрүлгөн маалымат жыйынында билдирди. АКШ базасын чыгаруу талаптары менен болуп жаткан нааразылык акциясыларына токтолгон Баучер аны демократиялык өлкөдөгү кадырэсе көрүнүш катары баалады. Александр Ивановдун өлүмүнө байланыштуу АКШнын жоокери Хэтвилддин үстүнөн тергөө иштери жүрүп жатканын, ал эми Ивановдун үй-бүлөсүнө компенсация төлөнүп берилгенин билдирди. Манас аба майданын пайдалануу боюнча келишимди кайра караштыруунун зарылчылыгы жок деген Баучер, бул база Кыргызстан эле эмес жалпы регионалдык коопсуздукту сактоодо мааниси чоң деп белгиледи. (AiT)
