Башка Орусия оппозициячыл кыймылынын Москвадагы бүгүнкү демонстрациясына 1500дей адам катышты. Москванын борбордук бөлүгүндө милициянын курчоосунда турган демонстранттар "Бизге башка Орусия керек!", "Путинсиз Орусия!" өңдүү ураан-чакырыктарды айтышты. Москванын шаар бийликтери бул ирээт оппозицияга катышуучулардын саны 500 адамдан ашпаган демонстрация уюштурууга уруксат берген эле. Башка Орусия кыймылы "Макул эместер маршы" деген жыйынын ушул ишемби күнү Санкт-Петербургда да өткөрүп, ал милициянын кийлигишүүсүз тынч аяктады. "Макул эместер маршы" быйыл апрелде Москвада жана Санкт-Петербургда болгондо милиция демонстранттарды күч менен тараткан.
