Бул тууралуу Текебаев «Акипресс» агенттигине бүгүн билдирген. Текебаевдин айтымында, Камчыбек Ташиевдин « Өмүрбек Текебаев Жогорку Кеңештин төрагасы катары Казакстанга жасаган сапары учурунда, олигарх Машкевичтен 20 миң долларлык саат алган жана Машкевичке керек болгон ар кандай мыйзамдарды өткөрүп берүүгө даярдыгын билдирген» деп айтканы чындыкка туура келбейт.»Ташиевдин бул сөзү калп. Ошондой эле ал менин беделимди кетирүүгө багытталган. Ошондуктан аны сотко берем», деп белгилеген Текебаев. (AiT)
