Бул тууралуу Жогорку Соттун төрагасы Курманбек Осмонов бүгүн маалымат жыйынында билдирген. Сот мындай чечимди сот жараяны атайлап создуктурулуп жатат деген айыптоолор болбос үчүн кабыл алды жана процесс Жогорку Сотто эмес Профсоюздар үйүндө өтмөкчү. Курманбек Осмонов депутат Азимбек Бекназаровдун сотту создуктурууга президент аракеттенүүдө деген сөзүн четке кагып, андай маалымат чындыкка дал келбейт, деп билдирди. Азимбек Бекназаровдун мындай багыттагы парламенттеги бүгүнкү билдирүүсүн президенттин Жогорку Кеңештеги өкүлү Каныбек Жороев да бүгүн четке каккан эле.
