Бакуда бүгүн демократиялык жана экономикалык өнүгүү уюму – ГУАМдын эки күндүк саммити башталууда. Бул уюмга Грузия, Украина, Молдова жана Азербайжан мүчө. Саммитке уюмга мүчө мамлекет жетекчилеринен сырткары Литва, Польша жана Румыния өлкөлөрүнүн башчылары да байкоочу катары катышмакчы. Анда аймактагы туруктуулукка жана энергетика тармагындагы кызматташууларга байланышкан маселелер талкууланышы күтүлүүдө.