Анда алар Аксы окуясы боюнча сотту 28-июнга калтырууну өтүнүшкөн. Андан сырткары аксылыктардын адвокаты Сартбай Жайчыбеков, укук коргоочулар Төлөкан Исмаилова, Азиза Абдрасулова жана 14-июнда сотко келген жабырлануучулар судьялар Жороев, Маткеримов жана Турдумамбетовго ишеним көрсөтүшпөсүн билдишкен. “14-июнда сотко келген аксылыктар 16-17-июнда үйлөрүнө кетишкен. Ошондуктан алардын 21-июнда Бишкекке келип, сотко катышуусу мүмкүн болбой калат. Кыязы, Жогорку Сот аксылыктардын сотко катышуусуна кызыкдар эмес болуп жатат” деп белгиледи “Кылым шамы” уюмунун лидери Азиза Абдрасулова. (AiT)