Кыргыз чек ара кызматынын башчысы Замир Молдошев менен тажик чек ара кызматынын жетекчисинин биринчи орун басары Шерали Мирзоев баштаган топтор кечээ Баткен облусуна чектеш Тажикстандын Исфара районунда жолугушту. Кечээ кечинде аяктаган бул жолугушууда биргелешип кызматташуунун комплекстүү планын иштеп чыгуу боюнча сунуштар айтылып, эки өлкө чек арасынын тактала электиги ишке кедергисин тийгизип жатканы белгиленди. Ошондой эле тараптар мындан ары тыгыз байланышта болуу менен ар дайым маалымат алмашып туруу тууралуу да сүйлөшүштү.(SM)
