Абубакры Сабиров адам өмүрүнө кол салды деген айып менен эки жылдан бери тергөө абагында отуруп, атасы февраль айынын этегинде, парламенттин имаратынын алдында өзүн өзү өрттөп өлгөндөн кийин укук коргоочулардын жардамы менен убактылуу бошотулган. Анын айтымында, атасы жана өзү өздөрүн коргоо үчүн акча доолаган кылмышкерлерге каршылык көрсөтүшкөн. Атасы эки жыл бою буга каршы күрөшүп натыйжа чыгара алган эмес. А. Сабиров март айында президентке кайрылуу жасап, анда тартип коргоо тармагындагы коррупция карапайым адамдардын тагдырына балта чабууда деп айтып, өлкө башчысын бул тармактагы паракорчулукту азайтууга чакырган. (EBM)
