Ооганстандагы АКШ генералы Жозеф Войтель согуштук операцияларды жүргүзүү жараяны жайкын тургундардын бөөдө өлүмүнүн алдын алуу талабына жооп берээрин билдирди. Сонку жумаларда НАТО жана АКШ баштаган коалициялык күчтөрдүн талиб жаңчыларына каршы аскерий операцияларында ондогон карапайым ооган тургундары курман болгону кабарланган. Президент Хамид Карзай жайкын тургундар өлүмгө кабылбашы үчүн эл аралык күчтөр согуштук операцияларды жергиликтүү бийликтер менен макулдашып жасашы керектигин билдирген.
АКШ кол башчысы: НАТО жараяны карапайым ооган жарандарынын өлүмгө кабылуусунун алдын алуу талабына жооп берет
