Ушундай мазмундагы билдирүүнү Европа биримдиги бүгүн таратты. Билдирүүдө Кыргызстанда өлүм жазасынын алынып салынышы маанилүү кадам катары белгиленип, бул өңүттө президент Курманбек Бакиевдин аракети кубаттоого алынган. Өлүм жазасын өмүрүнүн акырына чейинки түрмө менен алмаштырылган Кылмыш-жаза кодексине өзгөртүү, түзөтүү жөнүндөгү мыйзамга президент 27-июнда кол койгон. Жаңы Конституцияга ылайыкталган бул мыйзамды парламент 26-апрелде кабыл алган. (BuS)
