Анда негизинен бейөкмөт уюмдардын 2010-жылга чейинки ишмердигинин стратегиясы жана ички жана тышкы факторлордун бейөкмөт уюмдардын ишмердигине тийгизген таасирине байланышкан маселелер талкууланат. Ага жер-жерлерден келген эки жүздөн ашуун делегат катышмакчы. «Жарандык платформа» коомдук бирикмесинин жетекчиси Алишер Мамасалиевдин «Азаттыкка» билдиргенине караганда, улуттук форум Бишкекте 10-11-июль күндөрү өтөт. Буга чейин мындай жыйындар жергиликтүү деңгээлде өлкөнүн бардык облустарында өткөрүлгөн.(SM)
