Эки өлкө президенттери Буштун Кеннебанкпорттогу үйүндө жабык сүйлөшүп, эки тараптуу кызматташтыкка жана эл аралык саясатка байланышкан маселелерди талкуулашты. Сүйлөшүүдөн кийинки маалымат жыйынында Владимир Путин ракетадан коргонуу системасындагы кызматташууга Орусия-НАТО кеңеши аркылуу Европа өлкөлөрүн көбүрөөк кошууну сунуштады. Жорж Буш болсо АКШ бул сунушту НАТО менен талкуулоого даяр экенин белгиледи. Эки өлкө башчылары тең бул жолугушуу достук жана ачык маанайда өткөнүн белгилешти.
Владимир Путин Жорж Бушту ракетадан коргонуу системасындагы кызматташтыкты кеңейтүүгө чакырды
