10:00 Ош шаарынын тазалыгын камсыздоо боюнча ЕККУ долбоору ишке ашты

Ош шаардык мэриясынын маалымат катчысы Жыпар Акунованын “Азаттыкка” билдиргени боюнча ЕККУ Ош шаарынын тазалыгын камсыз кылуу боюнча атайын долбоорду өткөн жылы ишке киргизген. Бул долбоордун алкагында шаардын үч кварталына 100дөн ашуун таштанды төгүлүүчү контейнерлер коюлуп, шаардык тургундарга 8000 ашуун таштанды салынуучу чакалар бекер таратылып берилген.
ЕККУнун Оштогу өкүлү Джером Буйжун Ош шаарынын мэри Жумадыл Исаков менен болгон бүгүнкү жолугушуусунда долбоор 100% ишке ашкандыгын белгиледи.