Бүгүн жетинчи жылдын жетинчи айынын жетинчи күнү. Кыргызстанда үйлөнүүлөрдүн саны болуп көрбөгөндөй көп. Бүгүн пайда болгон үй-бүлө бекем болот деп ишенишкен жаштар так ушул күнү үйлөнүү үчүн арыздарын жарым жыл мурун эле берип коюшкан. Бир эле Бишкектин «Бакыт үйүндө» гана жүз жыйырмадан ашык үй-бүлө катталмакчы. Бүгүнкүдөй жети деген сандардын айкалышы эми жүз жылдан кийин гана кайталанат. Мындай мүмкүнчүлүктөн пайдаланып калууну эңсеген сүйүшкөндөр бүгүн дүйнө жүзү боюнча миңдеген жаңы үй-бүлөлөрдү түзүшөт. (SKz)
