Жамааттык Коопсуздук Келишими (ЖКК) уюмуна мүчө мамлекеттердин «Союз-2007 -Ысыккөл» аттуу аскерий-спорттук топторунун мелдешинин башкы максаты- мамлекеттер аралык кызматташууну жогорулатуу, аймактык жана эл аралык коопсуздукту камсыз кылууга көмөктөшүү жана жаңы муунду патриоттук мүнөздө тарбиялоо деп жарыяланган. Мелдешке бардыгы тогуз топ катышты. 13-16 жаштагы жеткинчектерден турган командалар спорттун ар кыл түрлөрү жана аскерий машыгуулар боюнча күч сынашты. Биринчи орунда Казакстандан келген команда, экинчиде- Кыргызстан жана үчүнчү орунда Орусиянын командасы. Мелдештин жабылыш аземине мамлекеттик катчы Адахан Мадумаров, парламент спикери Марат Султанов, Орусиянын Кыргызстандагы элчиси Валентин Власов жана башкалар катышты. (SKz)