Бүгүн Аль-Каида уюму жазуучу Салман Рушдиге Британия тарабынан рыцар наамы ыйгарылганына жооп катары жаңы террактар менен коркутту. Интернетте жайгаштырылган террористик топтун лидерлеринин бири Айман аз-Завахиринин билдирүүсүндө бул тууралуу айтылган. Британиянны тышкы иштер министрлигинин өкүлү мындай опузаны катуу сынга алды. Иран, Пакистан, жана Ирак «Шайтандын ырлары» деген китептин авторуна рыцарлык наам ыйгарлышын сындашты. Салман Рушдинин 1998-жылы жарык көргөн китеби эл аралык чатакты жараткан.
