Соңку күндөрдө өлкөдө күйүүчү майдын бардык түрү 50 тыйынга кымбаттаганын «Азаттыкка» Кыргызстандын нефти трейдерлер ассоциациясынын башчысы Базарбай Мамбетов билдирди. Анын айтымында, буга Орусия жана Казакстандагы мунайды кайра иштеп чыгаруучу заводдорунда оңдоп-түзөө иштери жүрүп жатышынан таңсыктык пайда болушу жана ташып келүү мурдагыдан кымбатка туруп жатышы себеп болду. Базарбай Мамбетовдун божомолунда, күз айларында күйүүчү майларга болгон баа кайра мурдагы калыбына келиши ыктымал. (SM)
