12-июлда вице-премьер-министр Досбол Нур уулу Т. Сатылганов атындагы Улуттук филармониянын ШКУнун саммитине даярдыгын текшерди. Сапар учурунда вице-премьер-министр Филармониянын директору Керим Турапов менен баарлашып, имаратты калыбына келтирүү иштери сапаттуу жана тез убакытта бүтүшү керек экендигин белгиледи. “Бишкек саммити эл аралык мааниге ээ. Кыргызстан өз имиджин жогорку деңгээлге көтөрүү мүмкүнчүлүгүн алды. Андыктан бардыгыбыз бул иш-чаранын ийгиликтүү өтүүсү үчүн колдон келгенди жасашыбыз керек”,-деди Досбол Нур уулу. Бишкекте өтө турган саммит 16-августта башталат. (ZMa)
