Түркиянын Тышкы иштер министри Абдулла Гүл Анкара АКШдан түшүндүрмө талап кылганын билдирди

Түрк жетекчилиги америкалык курал-жарак Түндүк Ирактагы күрд козголоңчуларында кайдан пайда болгонун билгиси келет. Жакында күрттөрдүн жумушчу партиясынын (PKK) колго түшкөн согушкерлери АКШлык унаалар партиянын Ирактагы согушкерлерине курал таратып жүрүшкөнүн айтып беришкен. Түркия бул окуя боюнча иликтөө баштады.
Анкара Ирактын түндүгүндөгү күрт согушкерлерин жок кылуу үчүн кошуна өлкөгө кирип барабыз деп эскертип келатат.