Бул тууралуу Жогорку Кеңештин эмгек жана миграция саясаты боюнча комитеттин төрагасы Улукбек Ормонов маалымат жыйынында билдирди. Депутат Россиянын он шаарында болуп кыргыз жарандары менен жолугушуп келген. Анын айтымында, кыргыз атуулдары кош жарандык алуу маселесинде Кыргызстандын паспортун алууда Мамлекеттик маалымат ресурстары жана технология агенттигинин жана Улуттук коопсуздук боюнча мамлекеттик комитеттин ар кандай тоскоолдуктарына дуушар болушууда. Ал эми Россиядагы тажик, кытай жарандары кыргыз паспорттору менен кош атуулдук алгандыгы тууралуу такталбаган маалыматтар бар, дейт Ормонов. (AJ)
