Болгариянын алты медицина кызматкери төрт жүздөн ашуун Ливия балдарына ВИЧ инфекциясын жуктурган деп айыпталып, өлүм жазасына кесилген. Шейшемби күнү Ливиянын Жогорку юридикалык кеңеши өлүм жазасын өмүр бою абак менен алмаштырды. Болгар өкмөтү айыпталган атуулдарын өткөрүп берүү өтүнүчү менен Ливияга кайрылууда. Мындай кайрылууну АКШ жана Европа Биримдиги колдоого алды. ВИЧ жуктурулган балдардын ар бирине 1 миллион доллардан компенсация төлөнүп берилүүдө.