Аксуу районундагы Жыргалаң көмүр кени ошол аймактагы мамлекетке тиешелүү делген жападан жалгыз өндүрүш ишканасы эле. Бирок жылына 17 миң тонна көмүр өндүрүү өзүн-өзү актабагандыктан, анын карызы 30 млн. сомго жетип, банкротко учураганы айтылууда. Жергиликтүү бийликтин ырасташы боюнча Тан аттуу кытай ишкери көмүр кенин ошол 30 млн. сом карызы менен сатып алууга макулдугун берип, жылына 200 миң тонна көмүр казыларын айтып ынандырган. Жыргалаң ишканасын мамлекеттик комиссия текшерип бүтөөрү менен кытай ишкерлери ага 100 млн. доллар каражатын жумшап, көмүр кенин эки мөөнөт менен иштете баштайт. (RB)
