Форумдун катышуучулары КМШ, Борбордук жана Түндүк Азия мамлекеттериндеги социалдык-экономикалык, экологиялык абалды жакшыртуу, жакырчылыктан чыгуунун жолдору, балдар өлүмүн кыскартуу, аймактык жол картасын түзүү сыяктуу маселелерди талкуулашты. Форумдун жыйынтыгы боюнча өткөн маалымат жыйында, мамлекеттердин алдында коюлган милдеттенмелер 7 жыл аралыгында толугу менен аткарылбаса да, ушул максаттардын коюлганынын өзү эле ар бир өлкөдө социалдык-экономикалык абалды жакшыртууга жакшы өбөлгө түзөөрү айтылды. Аталган жыйынга 13 өлкөнүн өкүлдөрү катышты. Дүйнө жүзүндө тегиз өнүгүүнү жактаган Миң жылдыктын Декларациясы 2000-жылы Бириккен Улуттар Уюмунун Башкы Ассамблеясында 190 өлкөнүн катышуусу менен кабыл алынган. (MSu)