Анын адвокаты Акин Токталиевдин айтымында, сот Жамантаевге баш коргоо чарасын өзгөртүү өтүнүчүн канагаттандырган жок. Жамантаевди тез арада операция жасоо боюнча дарыгерлердин көрсөтмөсү эске алынбады. Ал онкологиялык кесел менен ооруп жатат, дейт адвокат. Кемин районунун тургуну Назарбек Жамантаев Жогорку Кеңешке депутаттыкка талапкер Бермет Акаеванын шайлоого байланыштуу ишин райондук сот 24-апрель түнү карап жатканда чыр-чатак уюштурду, делип айып тагылып, Улуттук коопсуздук боюнча мамкомитеттин убактылуу кармоочу жайына камакка алынган. (AJ)
