19-июлда криминалдык чөйрөнүн лидерлеринин бири деп эсептелген Азиз Батукаевдин башка абакка которулушуна макул болбой, үч колониядагы анын жактоочулары ачкачылык жарыялашкан. Абактагы козголоңго байланыштуу маселени өз көзөмөлүнө ала турганын акыйкатчы Турсунбай Бакир уулу “Азаттыкка” билдирди. “Мындан сырткары жакында эле президент Бакиев жашы жете элек балдарга алкоголдук ичимдиктерди сатууга тыюу салган жарлыкка кол койгон эле. Ошол буйруктун аткарылып жатышын биз бир айдын ичинде текшеребиз”,-деди акыйкатчы. (ZMa)
