Бул тууралуу “Азаттыкка” ассоциациянын жетекчиси Жума Абдуллаев билдирди. Анын айтымында, 27-июлга белгиленген конференцияга Орусиянын 24 шаарынан, АКШ, Түркия, Казакстандагы кыргыз диаспораларынын өкүлдөрү катышат. Конференцияда демографиялык маселелер козголуп, чет жакага кетип жаткан адистердин агымын токтотуу, кош жарандуулук, мигранттар үчүн жеңилдиктерге байланыштуу суроолор талкууланат. “Конференцияда Дүйнөдөгү кыргыздардын ассоциациясын түзүү демилгеси көтөрүлөт”,-деп кошумчалады Жума Абдуллаев. Конференция эки күнгө созулат. Алгачкы курултай 1992-жылы Бишкекте, экинчиси болсо, 2003-жылы Ысыккөлдө өткөн. (ZMa)
