Жалпы улуттук идея менен коомчулукту тааныштыруу ырасмиси ордо калаадагы “Аккеме” төрт жылдыздуу мейманканасында өттү. Иш-чарада жумушчу топ иштеп чыккан “Биримдик аркылуу өнүгүү - Кыргызстандын жалпы улуттук идеясы” аталышындагы кыргыз жана орус тилиндеги китепче таркатылды. Улуттук идеянын негиздери тизмектелип жазылган бул китепчедеги ой-максаттарды жалпыга жайылтуу керектигин, идеяны иштеп чыккан жумушчу топтун жетекчиси, мамлекеттик катчы Адахан Мадумаров чогулгандарга каңкуулады. Негизинен мамлекеттик мекемелердин жетекчилери, министрлер, жогорку окуу жайлардын ректорлору катышкан жыйында мамлекеттик катчынын айткан-дегендери кызуу колдоого алынып, айрымдары өздөрүнөн кошумчаларды сунушташты. А.Мадумаров болсо, бөлүнүп-жарылуу, регионализм, трайбализм, уруучулук оорусу күчүнө кирип турганда “биримдикти” чыңдоо, нарк-насилдерди бекемдөө өтө маанилүү нерселерден болуп калганын айтты. Ошондой эле ал жалпы улуттук идеяны иштеп чыгуу үстүндө татыктуу адамдар иштешкенин, сын айткысы келгендер оболу улуттун идеясы жазылган китепчени жакшылап окуп чыгуулары керектигин, жумушчу топтун ишинин жыйынтыгына ыраазы экендигин жана кийинки кадам бул идеяны жалпы коомчулукка сиңирүү болуп турганын баса белгиледи.
УТРКнын башкы директорунун орун басары Бейшенбек Бекешов, мамлекеттик катчы А.Мадумаровдун айткандары өтө маанилүү экендигин, иштелип чыккан идеологияда баалуу нерселер жазылганын айтты. Анын аркасынан сөз алышкан Жогорку окуу жайлардын жетекчилери да мамлекеттик катчынын айткандарына кошула тургандыктарын бир ооздон билдиришип, эми аны элге жайылтуу маселеси турганына токтолушту.
Мугалимдердин кесиптик чеберчилигин жогорулатуу институтунун директору Сабыр Иптаровдун айтымында, улуттун кызыкчылыгын, мүдөөсүн көздөгөн кандайдыр бир документтин пайда болушу колго аларлык нерсе. Бирок идеологияны иштеп чыккан топтун багыты башынан кыйла туура эмес кеткен. Анын ырасташынча, кала берсе “Биригүү аркылуу өнүгүү” деген ураандын өзү туура эмесирээк болуп калган. Ошондой эле ал, кыргыз эч качан идеология деп айтпаганын, кыргызга идеология эмес - мүдөө керектигин, максат керектигин, “Биригүү аркылуу өнүгүү” деген сөздө коомго багытталган баалуу мүдөө эмес, саясий көз караш басымдуулук кылаарын, эл эч качан бөлүнбөй-этпей эле кудаа-сөөк, тууган-урук болуп жашап келатканын, элди ошол саясатчылар бөлүп салганын кеп кылды.
Ал эми жаш экономист Талант Кемеловдун пикиринде, миллиондогон акча коротуп бийик сөздөр жазылган идеология иштеп чыгуунун ордуна, саясатчылар жана бийлик өкүлдөрү оболу өздөрү өрнөк болуп, жүрүм-турумун, жасаган иштерин оңдоп, туура саясат жүргүзүүлөрү керек болчу. Анын пикиринде, прагматикалык көз караштагы, дүйнөдөгү өнүгүү процесстери менен жакшы тааныштыгы бар, эски, тамтыгы чыккан адаттардан, көнүмүштөрдөн арылган, жаңы муундун өкүлдөрү келмейинче, кандай идеология иштелип чыкса да натыйжасы аз болот.
УТРКнын башкы директорунун орун басары Бейшенбек Бекешов, мамлекеттик катчы А.Мадумаровдун айткандары өтө маанилүү экендигин, иштелип чыккан идеологияда баалуу нерселер жазылганын айтты. Анын аркасынан сөз алышкан Жогорку окуу жайлардын жетекчилери да мамлекеттик катчынын айткандарына кошула тургандыктарын бир ооздон билдиришип, эми аны элге жайылтуу маселеси турганына токтолушту.
Мугалимдердин кесиптик чеберчилигин жогорулатуу институтунун директору Сабыр Иптаровдун айтымында, улуттун кызыкчылыгын, мүдөөсүн көздөгөн кандайдыр бир документтин пайда болушу колго аларлык нерсе. Бирок идеологияны иштеп чыккан топтун багыты башынан кыйла туура эмес кеткен. Анын ырасташынча, кала берсе “Биригүү аркылуу өнүгүү” деген ураандын өзү туура эмесирээк болуп калган. Ошондой эле ал, кыргыз эч качан идеология деп айтпаганын, кыргызга идеология эмес - мүдөө керектигин, максат керектигин, “Биригүү аркылуу өнүгүү” деген сөздө коомго багытталган баалуу мүдөө эмес, саясий көз караш басымдуулук кылаарын, эл эч качан бөлүнбөй-этпей эле кудаа-сөөк, тууган-урук болуп жашап келатканын, элди ошол саясатчылар бөлүп салганын кеп кылды.
Ал эми жаш экономист Талант Кемеловдун пикиринде, миллиондогон акча коротуп бийик сөздөр жазылган идеология иштеп чыгуунун ордуна, саясатчылар жана бийлик өкүлдөрү оболу өздөрү өрнөк болуп, жүрүм-турумун, жасаган иштерин оңдоп, туура саясат жүргүзүүлөрү керек болчу. Анын пикиринде, прагматикалык көз караштагы, дүйнөдөгү өнүгүү процесстери менен жакшы тааныштыгы бар, эски, тамтыгы чыккан адаттардан, көнүмүштөрдөн арылган, жаңы муундун өкүлдөрү келмейинче, кандай идеология иштелип чыкса да натыйжасы аз болот.