Конференцияда чет өлкөдө иштеп жүргөн кыргыз мигранттарынын абалы, аларга карата экономикалык жеңилдиктер жана кош жарандуулук берүү өңдүү маселелер талкууланмакчы. Жыйынга вице-премьер-министр Досбол Нур уулу, Жогорку кеңештин төрага орун басары Кубанычбек Исабеков, парламент депутаттары, акыйкатчы Турсунбай Бакир уулу, Казакстандын, Орусиянын Кыргызстандагы элчилери катышат деп күтүлүүдө. “Үч күндүк конференцияга Орусиянын 27 шаарынан, АКШ, Түркия, Казакстандагы кыргыз диаспораларынын өкүлдөрү келет”,-деп билдирди “Азаттыкка” “Замандаш” бирикмесинин президенти Жума Абдуллаев. (ZMa)
