Өкмөттүн басма сөз кызматы билдиргендей, премьер министр бүгүн Жалалабаддагы Аксы районуна иш сапары менен чыгып кетти. Бүгүн ал Кербен шаарындагы аэропортко келип тушкөндөн кийин кандуу Аксы окуясы орун алган Боспиек айылындагы эстеликке барып, көзү өткөндөргө куран окутат. Андан соң жаратылыш кырсыгына кабылган айыл өкмөттөрүндө болот. Карасуу айылында өкмөт башчы жети айыл өкмөтүнүн тургундары менен жолугушуусу күтүлүүдө. Түштөн кийин Алмазбек Атамбаев “Каражыгач-Жаңыжол-Ташкөмүр” авто жолунун оңдоп-түзөө иштери кандай жүруп жаткандыгы менен таанышат. Өкмөт башчынын экинчи, чон жолгушуусу Кошдөбө айыл өкмөтүндө өтөт. Бул жерде ал беш айылдын жашоочулары менен кездешип, Өзбекстан менен болгон чек ара тилкелерин карайт. Премьер-министр Бишкекке кайра бүгүн кечинде кайтат. (ElenK)
