НАРЫН. Курулуш жана архитектура боюнча мамлекеттик агенттиктин директору Ишенбай Кадырбековдун жети демилгеси менен 29-июлда Нарын шаарына Түштүк Кореядан профессор, доктор Шин баштоосунда медициналык кербен келди. Заманбап үлгүдөгү медициналык аппараттар Нарын облустук үй бүлөөлүк дарыгерлер борборунун имаратына орнотулду. Алар 29-июлдан 1-августка чейин Нарын облусунун аялдарынын ден соолугун көрө башташты. Ал жерден алынган анализдер Интернет аркылуу Түштүк Кореяга жөнөтүлүп ошол эле убакытта Нарынга жыйынтыгы белгилүү болот. Медициналык кербендин ачылышына катышкан Нарын облустук администрациясынын башчысынын орун басары Салтанат Эсенаманова конокторго ыраазычылыгын билдирип, алыскы айылдарда жашаган энелер үчүн бекер медициналык текшерүү чон жардам экендигин белгиледи. (JI)
