Жыйын Ооганстан менен Пакистандын 700 гө чукул уруу башчыларынын катышуусунда өттү. Анын соңунда ооганстандык жана пакистандык уруу башчылары эки өлкө өкмөттөрүн терроризмге каршы күрөштү күчөтүп, маңзаттарга болгон аткезчиликти токтотууга чакырышты. “Жирганын” соңку күнүндө Пакистандын президенти Первез Мушарраф сөз сүйлөп, Ооганстан менен биргеликте козголоңчуларга каршы күрөштү күчөтүү зарылдыгын белгиледи.
