Жалпысынан 2005-жылга салыштырмалуу учурда мугалимдердин айлык акысы эки эсеге жогору деп билдирди бүгүн маалымат жыйынында билим берүү жана илим министри Каныбек Осмоналиев. Анын айтымында, айлык маянанын жогорулашы тууралуу 5-октябрда өтө турган мугалимдердин II съездинде дагы маалымдалат. Бул иш-чарага өлкөнүн булуң-бурчунан бир миң бир жүз мугалим катышат. Анда билим берүүдөгү көйгөйлөр жана аны чечүүнүн жолдору талкууланат. (ZMa)
