Анда акыйкатчы Турсунбай Бакир уулу мэрди “Хайятт” мейманканасынын жеке менчигине өткөрүлүп берилген жерлер шаар тургундарына жана конокторуна кайтарып берүүгө чакырат. “Эгерде чаралар көрүлбөсө, күзүндө бул маселенин чечилишин талап кылып, коомчулукту нааразылык акциясын өткөрүүгө чакырууга мажбур болобуз”,-деп айтылат катта. Учурда “Хайятт” мейманканасы орун алган жерде мурда балерина Бүбүсара Бейшеналиевага орнотулган эстелик жана шаардык фонтан бар болчу. Турсунбай Бакир уулунун айтымында, мындай чечим мурдагы бийлик өкүлдөрү тарабынан кабыл алынган. (ZMa)
