Айыл, суу чарба жана кайра иштетүүчү өнөр жай министрлигинен алынган маалымат боюнча быйылкы жылы кант кызылчасы өткөн жылга салыштырмалуу 68 миң тоннага аз жыйналат. Буга быйыл кант кызылчасынын аз айдалганы негизги себеп. 2007-жылы кант кызылчасы 8,700 гектар жерге гана айдалган. Бул өткөн жылга караганда дээрлик 5 миң гектарга аз. Ал эми төө буурчак быйылкы жылы былтыркыдан 6 миң гектар жерге көп айдалып, андан алынчу түшүм 70 миң тоннага барат деп күтүлүүдө. (ZKo)
