Бул тууралуу “Азаттыкка” анын адвокаты Айжан Касымалиева билдирди. 17-августта Ж. Арыкованын иши боюнча тергөөнүн мөөнөтүнүн узартылышына байланыштуу сот жараяны болгон. Анда адвокат Касымалиева Арыкованын ден соолугунун начарлашына байланыштуу тергөөнү көп узартпастан, сотко өткөрүүнү өтүнгөн. Жогорку Кеңештин кызматкери Жыпаргүл Арыкова “тыңчылык кылган” деп шектелип, 19-июндан бери Улуттук коопсуздук боюнча мамлекеттик комитеттин абагында кармалып отурат. (ZMa)
