Нарын шаарындагы Муратбек Рыскулов атындагы музыкалуу драма театрында дүйнөдөгү эң атактуу театрлардын бири Ламама кыргыздын салттуу көчмө сахна театры менен бирдикте элибиздин кенже эпосторунун бири “Жаңыл мырзаны” көрүүчүлөргө тартуулашты. Жаңыл мырзанын ролун эки актриса- кыргыз Кенжегүл Сатыбалдиева жана америкалык актриса Сусан Гён аткарышып, сахнада оюн англис жана кыргыз тилинде болду. 17-августтан 22-августка чейин Ньюйорктогу Ламама театрынын артистери Нарын облусунда болушуп, 17 кылымда Жаңыл мырза жашаган Акчий, Атбашыны көрүшөт. “Жаңыл мырзаны” 21-22-августта Кошойкоргон фестивалынын алкагында Карасуу айылында көрүүчүлөргө тартуулашат. (JI)
