Президенттин басма сөз кызматы кабарлагандай Курманбек Бакиевдин Нарын облусунун Кочкор районуна болгон иш сапары 23-августтка белгиленди. Ал жакта президент жол-курулуш техникасынын бетачаарына, Бишкек-Нарын-Торугарт автожолун калыбына келтирүү үчүн Жапониядан келген таш майдалоочу шаймандын жана жаңы асфальт-бетон заводунун ачылышына катышуусу күтүлүүдө. Ошондой эле президент өткөн жылы жер титирөөдөн кыйрап, бирок жаңыдан курулган Кочкор районунун Семизбел айылындагы жаңы орто мектептин ачылыш аземине катышат. (ESu)
