АНТАЛИЯ. Түркиянын учагын алып качкан террорчуларга расмий айып коюлуп, сотто Мисирдин жараны Мухамед Абдул Азиз Талик менен Туркиянын жараны Мехмед Реза Оглунун иши каралууда. Экөө өткөн ишембиде Түндүк Кипрден Стамбулга учуп бараткан учакты кармап алып, аны Иранга же Сирияга кондурууну талап кылышкан. Бирок алардын максаты ордунан чыкпай, жүргүнчүлөрдүн баары аман-эсен куткарылган. Тергөө учурунда Таликтин "ал-Каида" уюму менен байланышы бар экени тастыкталды.
