Мындай маалыматты анын адвокаты Галина Скрипкина билдирди. 7-августта Финансы полициясы Адамбековдун үстүнөн кызматын кыянаттык менен пайдаланган, бюджеттик каражаттарды мыйзамсыз жумшаган жана бухгалтердик эсептин эрежесин бузган, деп айып тагып кылмыш ишин козгогон. Адвокат Галина Скрипкинанын айтымында, райсоттун өкүмүн жокко чыгаруу боюнча Адамбеков апелляциялык арыз менен Бишкек шаардык сотуна кайрылган. Шаардык сот бул маселени 5-сентябрда карамакчы. (AJ)
