Бул тууралуу бүгүн Сиднейде Кошмо Штаттардын президенти Жорж Буш менен жолуккан соң Австралия премьер- министри Жон Ховард билдирди. Ал президент Буш Иракта коопсуздукту камсыз кылууда, саясий жараяндын өнүгүшүндө жылыштар бар экенин белгилеп, оппоненттеринин кысымына карабай Иракта америкалык күчтөрдү сактоону убада кылды. АКШ президенти менен Австралия премьер-министринин сүйлөшүүлөрү Сиднейде Азия-Тынч океан чөлкөмүнүн экономикалык форуму ачылар алдында өттү. Ал жыйында экономикалык маселелер жана климаттын өзгөрүшү талкууланмакчы.
