БИШКЕК. Парламенттеги мал оорулары боюнча абалды талкуулоо маалында Ветеринария департаментинин директору Талантбек Узакбаевдин ишине сын-пикирлер арбын айтылууда. Бул тармак коррупцияга белчесинен батканын бир нече депутаттар белгилешти. Атап айтканда, депутат А.Бекназаров Т.Узакбаев ишкер экенин, ал кызматын байыш максатында пайдаланып жатканын, ал эми Кытайдан оорулуу жылкыларды Кыргызстанга киргизгенге Т.Узакбаевдин тикелей тийешеси бар экендигин билдирди. "Бул Талант Узакбаев алмаштырылгыс адамбы?" деп Айыл, суу чарба министрине суроо узатты депутат. Ага министр Сооронбай Жээнбеков эч нерсе деп жооп айта алган жок. (КО)
