Буга жол ачкан макулдашууга бүгүн Сиднейде орус президенти Владимир Путин менен Австралия премьер- министри Жон Хоувард кол койду. Келишимдин шарттарына ылайык, Орусия австралиялык уранды өзүнүн ички керектөөсү, атомдук реакторлору үчүн тынчтык максатта гана пайдалануусу керек. Бул ирээт Орусия президенти Австралияга расмий визит менен биринчи ирээт барып олтурат. Сиднейде бүгүн ошондой эле Азия-Тынч океан экономикалык кызматташтык уюмуна кирген өлкөлөрдүн саммити алдында АКШ жана Орусия президенттеринин сүйлөшүүлөрү да өттү. Анда негизги көңүл АКШнын Чыгыш Еврропада ракетадан коргонуу системасынын жабдууларын жайгаштыруу пландарына бурулган.
