ГАЗА. Газа тилкесинен атылган ракетадан Израилдин түштүк чөлкөмүндө айрым маалыматтар боюнча 65 киши жабыр тартышты. Жараат алгандардын 10 чактысы оор абалда. Ракета израилдик аскерлердин лагерине солдаттар уктап жатканда түшкөн, солдаттардын бир кыйласы армияга жаңы алынган уландар болгон. Кол салуунун жоопкерчилигин палестин согушкерлердин эки башка тобу өзүнө алды.