Төрага Марат Султановго жолдоно турган катта фронттун мүчөлөрү Орусия менен союзга биригүү маселесин референдумга чыгаруу сунушуна жоопту тездетүүнү сурашат. Бул тууралуу “Азаттыкка” “Арнамыс” партиясынын саясий кеңешинин мүчөсү Абдысапар Баялинов билдирди. Экс-премьер-министр Феликс Кулов жетектеген Бириккен фронт аталган маселе боюнча референдум өткөрүүгө кол топтоо максатында түзүлгөн демилгелүү топту каттоодон өткөрүүнү сурап, буга чейин Юстиция министрлигине жана БШКга кайрылган. Үч ай мурун БШК бул багытта кошумча маалымат берүү тууралуу Жогорку Кеңешке кайрылган. (ZMa)
