“Азиянын кареги” деген маданий фестивалдын алкагында өткөрүлүп жаткан бул иш-чарага кыргыз жана жапон адистери катышат. Форумда күн жана суу кубатын колдонуу, Кыргызстандагы айлана-чөйрөнү коргоо сыяктуу маселелер талкууланат. Ага Жапониядан бул тармакта иш алып барган адистер, Кыргызстандан болсо, Улуттук илимдер академиясынын, Өнөр-жай, энергетика жана отун ресурстар министрлигинин жана Айлана-чөйрөнү коргоо боюнча улуттук агенттиктин кызматкерлери катышат. Бул тууралуу Тышкы иштер министрлигинин басма сөз кызматынан кабарланды. (ZMa)
