Буга депутаттар арасында даярдалган токтом долбоору боюнча карама-каршылыктар себеп болду. Жыйынды алып барган төраганын орун басары Эркинбек Алымбеков тийиштүү комитеттерде долбоорду коушмча талкуулап, жума күнү эрте менен добуш берүү сунушун колдоп, танапис жарыялады. Жогорку Кеңеш бир нече күндөн бери мал ылаңы, азык-түлүккө баанын кымбатташын талкуулап, анын жыйынтыгы боюнча чечим кабыл алууну бейшемби күнгө белгилеген эле. Долбоорду талкууда айрым депутаттар ал кыска болуш керек деген пикирде болсо, айрымдар кеңири сунуштар жазылыш керек деген пикирде болду. Натыйжада орток пикир табылбай, добуш берүү жума күнгө которулду. (AiT)
