“Коммерциялык эмес бейөкмөт уюмдар” ассоциациясынын төрайымы Токтайым Үмөталиеванын пикиринде, 2003-жылы кабыл алынган баш мыйзамга кайтып келүү – бул чыныгы жеңиш. “Биздин бирикме Конституциялык соттун бул чечимин толугу менен кубаттайт. Мына эми чыныгы ыңкылап болду десек жаңылбайм”,-деп билдирди “Азаттыкка” Т. Үмөталиева. Кечээ Конституциялык сот Жогорку Кеңештин депутаттары Мелис Эшимканов менен Кабай Карабековдун былтыркы ноябрь жана декабрь Конституцияларын жокко чыгаруу арызын карап чыгып, алардын арыздарын канааттандырган болчу. (ZMa)