Анын айтымында, президент парламентти партиялык тизмеге өткөрүү жөнүндө кеп кылып, эки жылдан берки борбордук аянттагы сүрүшмөй, тебишмейлерге, «кетсин» деген кыйкырыктарга, конституциялык реформа чатагына чекит коюуга чындап бет алды. «Ушунча кадамга барып, президент «А» дегенден кийин «Б» деши керек. Эгер 21-октябрда эл макул десе эч күтпөй туруп өкмөттү жаңыртып, 2008-жылдын башында жаңы парламенттик шайлоого барышы керек»,- деди М.Эшимканов. Ошондой эле ал президент өзү партия куруу демилгесин көтөрүп, өтө чоң тобокелчиликке барып атканын баса белгиледи. (IJz)